سيدة لـ”القاضي”:جوزي عاوزني ابيع كل حاجة علشان ياكل لحمة وفراخ

سيدة لـ”القاضي”:جوزي عاوزني ابيع كل حاجة علشان ياكل لحمة وفراخ،“بيعت كل حاجة وبرضه مطمرش فيه ” … بتلك الكلمات روت هند داخل محكمة الأسرة عن زوجها الذي أجبرها علي بيع جميع ممتلكاتها ليعيش حياة مليئة بالرفاهية غير مهتم بما تتعرض له من مجهود بدني شاق وحياة مأساوية ونظرات مؤلمة من الاخرين .

وأختتمت هند حديثها :” جيبت شوية مناديل وسبح في الأول وكنت ببيعهم لكن مكنتش بطلع منهم بفلوس كتير وكنت برجع كل يوم مضروبة ويقولي ” الفلوس اللي أنتي بتجيبيها دي أخري أجيب بيها علبة سجاير ولو مجيبتيش حق أكلة فراخ ولحمة كل يوم ورجعتي البيت بدري تطبيخهم هطلقك وأخد منك عيالك ” هنا مكنش قدامي أي حل غير أني أبيع حاجات غالية فضلت أفكر قررت أطلع هدومي وقمصان نومي وأغسلهم وأبيعهم وأطلع كمان كوبايات وأطباق من النيش بتاع جهازي وأبيعهم وبالفعل عملت كدة عشان اأكله الفراخ واللحمة اللي هو عايزهم ومياخدش مني عيالي لحد ما مرت سنة علي الحال ده وبقيت بتعرض لحاجات صعبة زي أن راجل يطمع فيا أو واحدة ست تيجي تضحك عليا وتسرقني وهنا قررت أنفصل عن جوزي واللي يحصل يحصل خدت عيالي وهربت عشان مياخدهمش مني وروحت قعدت عند واحدة صاحبتي وهي شجعتني أرفع عليه دعوي طلاق للضرر ومعنديش أمل غير في ربنا والقانون أن هما اللي يجيبولي حقي من الراجل الجشع ده “