الجيش المصرى العظيم

قصيدة “النصر أو الشهادة”
أشهد علينا يا ملك الموت
يا النصر يا أما مش هنعود
جاهزين يا فندم للمهمة
والمخاطرة مش مهمه
أسود هتدفن جيف ورمه
يا أهل بلدى ماتخفوش
الأسود ما بيرحموش
******
أشهد علينا يا ملك الموت
يا النصر يا أما مش هنعود
يا أرهاب ولا وطن ولا دين
يا اللى غدرتم بالصايمين
رفح وفرافرة وبئر العبد
حالفين نقطع أيد الغدر
معدش توسل ولا رجاء
هنحرق روحهم فى الأنفاق
اللى محايد أو متعاطف شيطان أخرس
حط أيد فى أيد قواتك يلا وأنضف
لو هاتناصر خونة خانو بلدنا
يبقى هتدفع معاهم دم ولادنا
ليه هاتحمل نفسك تار
وتلحق أهلك وصمة عار
بص كويس قبلا على اللاجئين
شوف الخونة عايزين يرمو أهلك فين
دول لو عاد بيهم زمانهم
كانو يبوسو تراب أوطانهم
وطنهم ضاع عملاء وفتن
وأنت عندك أغلى وطن
مهماً مر عليه الزمن
صامد أمام كل المحن
أوطان أتفتت – عشان كله يضرب بعضه
وأحنا وطنا وحده باقى على وضعه
حافظ على أرضك عرضك
وأنصر جيش بلدك الأبطال
******

أشهد علينا يا ملك الموت
يا النصر يا أما مش هنعود
على قلب رجل واحد
أرض – وبحر – وجو
مشاه – وبحرية – ونسور
مش راح أحكى على الصقور
جابت خبرهم فى الجحور
صقور محلقة عالى فوق فى السما
سابقة – وكاشفة بتحمى الحمى
وبيقود جيشنا العظيم المنصور
قائدنا الأعلى صقر الصقور
داحنا لا شوفنا أنهيار ولا تقسيم
ألا – لأن “الصقر المصرى عظيم”
ولا – كان ممكن نحمى حدودنا ولا الترسيم
إلا لو كان بيقودنا “زعيم”
روحنا لحد طغاة وجبروت
لا أتهزينا ولا يوم حتى خوفنا الموت
فى عرض البحر وحوش قواتنا البحرية
بحروف من نور بتسطر أسم البحرية المصرية
أسطولنا فارد لحد أوروبا
وحوش عارفه تحمى حدودنا
بالقوة والحق جابو حقوقنا
جت فى نور وفى عز “ظهر”
غير أن قواتنا البحرية سد منيع
أذهلنا العالم فى التصنيع
رصاصة فى قلب الأعادى
قطع بحرية حربية صنع بلادى
ومهماً تقل الحمل علينا
عارفين أن القادم لينا
******
أشهد علينا يا ملك الموت
يا النصر يا أما مش هنعود
أزئر يا صاعقة وعلى الصوت
قل للخسيس مابهبش الموت
قله يفصل أده تابوت
فئران وأفترستها أسود
طوفان المستحيل والتضحية
هى الصاعقة المصرية
يا جبان التفجير بريموت
رجالنا وحوش ماتخفش الموت
وحوش الصاعقة جاية هناك
جايه وناوية الأشتباك
بس الخسيس خاين وجبان
مرعوب من الصاعقة الشجعان
خايف الجبان حتى يعافر
حلك فجر نفسك ياللا يا كافر
ما الخاينين نهايتهم حتماً يموتو كافرين
******
أشهد علينا يا ملك الموت
يا النصر يا أما مش هنعود
بأقول لأخوانا بتوع السد
ساعة الجد رجالنا مش راح ترحم حد
حقوق بالقانون لازم تتنفذ
يلا قبل ما صبرنا ينفذ
بس بأفكر أديس أبابا
عندنا خيار أكتوبر زى ما عندنا طابا
ولو كملتو على نفس الدرب
يبقى أشرف لى أموت فى الحرب
وقبل ما يوم عطشنا يقرب
عندى سلاح عايز يتجرب
أقرأ فى التاريخ عن جيشنا
قبل ما تتمادى فى أستفزاز وحوشنا
اللى يقرب من شريانى
هيهلك نفسه وهو الجانى
اللى فاهم أنه بيحميك
دا اللى فى نار الحرب رميك
واللى فاكره انت فتوة
زقك ليه وبيهرب هوه
لو هو فتوه قله يشرف
وحوش الصاعقة عايزه تتعرف
هو عارف ويلات الحرب ودماره
وأنت هتدفع ثمن تهوره وأختياره
حقنا هناخده هناخده وفى النهار
وأنتم عليكم الأختيار
******
أشهد علينا يا ملك الموت
يا النصر يا أما مش هنعود
والمرتزقة اللى فى الغرب
رجالنا مش هتشبع فيكم ضرب
لو عندكم خونة بتبيع
أنا طول عمرى لأهل عروبتى سد منيع
ومهماً أتحد أهل الباطل والأشرار
مكتوب على جبينا رجالة مابتخفش الأخطار
واللى أتآمرو ضد بلادهم أهل العار
أما رجالنا شهادة أو نصر ده “أختيار”
قلناها كلمة ومش هنكرر
أمن بلدنا القومى خط أحمر
بلدى يا اللى بتحمى قوميات وحدود
ردو عليكى بمرتزقة وسدود
كم أنتى عظيمة يا بلدى
عارفين أن الكبير دايماً بيعدى
لكن المرة دى مش هتعدى
والخونة وأعوانهم تارهم عندى
درس أن للخيانة والعمالة عواقب
واللى يسامح عنده القدرة برضو يعاقب
منتظرين يا بلدى الأمر
هندمهم ندم العمر
******
أشهد علينا يا ملك الموت
يا النصر يا أما مش هنعود
تنظيمات تمويل ودول
هنفضل صامدين مهماً حصل
والأرهاب أخطر سرطان
لو عدانا هيروح يضرب كل مكان
بس بذيعها لكل العالم
أن رجالنا بتحمى العالم
مصر هى الحصن المانع
والعالم كله شاهد ومتابع
أستراتيجيات تطوير ومواجهه
وجنود ووحوش تحمى الجبهة
زى ما قهرنا حروب الجيل الرابع
لما أصطادها “النسر الذهبى اللامع”
******
أشهد علينا يا ملك الموت
يا النصر يا أما مش هنعود
لو فاكرين هننسى شهيدنا
رب العزة هو شاهدنا
وبنوعدكم بدم ونار
إلا زميلى وإلا التار
قالها قائدنا ده دم وعرض
اللى يقرب لها هانشيله من على وش الأرض
أما أمر القوة الغاشمه
علم يا فندم فى كل دوشمه
وعد نخلى ليلهم نهار
وما هنوقف ضرب النار
لحد ما يرجع حق شهدائنا الأبطال
******
أشهد علينا يا ملك الموت
يا النصر يا أما مش هنعود
لو العالم كله أستسلم وأنحنى
جيشنا يرد – إلا بلادى وإلا أنا
أجدادنا قهرو صليبيين وتتار
لما العالم كله أنهار
ولما وصل أجدادى للأناضول
عرف العالم أن الجندى المصرى غول
لما أتكتل العالم كله علينا
عشان يشد الدولة العلمانية من تحتينا
الجيش المصرى بطبعه مسالم
ليه هتصحى الوحش الكاسر
مصر الوحيدة اللى ألحقت الهزيمة بإسرائيل
حد غيرنا قدر يقرب لها يا عميل
يا أكبر عميل للماثونية
وأكبر حليف ومنفذ لمخطاطتهم العالمية
أكتوبر أكبر مجد عظيم للقوات المصرية
يا بتوع “أسطول الحرية”
أقرو التاريخ قبل ما تيجو
قبل ما جيشنا يحط عليكم
المولى عز وجل ذكرنا فى القرآن
ووصف مصر ببلد الأمن والأمان
والنبى محمد(ص) شفيعنا يوم العرض
قال أجنادنا خير أجناد الأرض
بعد كلام الله ورسوله
أى كلام تانى مش هنقوله
أشهد علينا يا ملك الموت
يا النصر يا أما مش هنعود